أخبار وطنية فلاح شاب يطلق صيحة فزع: حين تتخلى الحكومة عن الفلاح التونسي وتتوجه الى دعم البلجيكي فماذا يمكن أن نقول؟
أثار قرار وزارة التجارة توريد الحليب البلجيكي والإعلان عن بداية توزيعه في تونس بداية من يوم الاربعاء الماضي 05 اكتوبر مبررة ذلك بتغطية النقص الحاصل في الاسواق، أثار الكثير من الجدل خاصة في صفوف الفاعلين في قطاع الألبان الذين اعتبروا قرار توريد الحليب هو ضرب لمنظومة الإنتاج وإضرار بالفلاح وضرب للمستهلك لا دفاع عنه وتوجّه نحو دعم الفلاح الأجنبي والتخلي عن التونسي حيث أنّه تمّ استيراد كميات من الحليب بـ 1900 مليم للتر الواحد، وسيتم بيعه للمستهلك بـ 1120 مليما (سعر الحليب نصف دسم) أي أن الدولة ستتكفّل ببقية المبلغ (780 مليما) في إطار سياسة الدّعم.
في هذا الإطار أطلق الفلاح شعيب دخيلي صيحة فزع تحدّث من خلالها عن الأزمات التي تواجه الفلاح التونسي اليوم في ظل ما تنتهجه الحكومة من سياسة لا مبالية بأوضاعهم التي باتت على شفير الهاوية، وفي مايلي ما نشره الدخيلي على صفحته الخاصة بالفايسبوك:
"ماهواش من باب المزايدات و لا من باب الركاكة... علفنا من جيوبنا ، داوينا من جيوبنا و كل يوم تخدم الماكينات بش نحلبو و نبزعوه في الكياسات ! نعرف شكون ترهن للبانكة و نعرف شكون تجلط و نعرف شكون كانو اربعة بقرات يصرفولو على اربعة صغارو فيهم وحدة معاقة ! انا واحد منهم كان مش شوية زهر و معونة من الناس اللي قرابلي كنت ندخل للحبس في شيكات !
خدمة سنين و صبر سنين و استثمار بالاف الملاين في بڤر مستورد تأقلم على ثالث جينيراسيون مع مناخ و علفة تونس ! و ولات البڤرة متع زوز و نص بستة و العجل بخمسة لفوق زادت هاجت الجزارة و مشات بڤرة الحليب لحم ...
ليومة في بالنا العام بخير و قلنا بالك السنا لاباس ! نعاود نسيب شيكات و نتسلف و نعمر الكوارى تاعي من جديد و نقصد ربي نخدم ! شهرين خدمة كهو ! ينڤز وزير الصحة البارح يقلك جنون البقر ، يجاوبو التعيس وزير الفلاحة و يجيبلنا عشرة ملاين ايترة من بلجيكيا !
العشرة ملاين ايترة يجيبو فوق العشرة لاف بڤرة ! ينتجو من ثلاثين لاربعين الف ايترة كل يوم يعني في عام يغطيو احتيجاتنا الكل و نربحو رأس المال الحيواني و من وراهم ندعمو اللحم بعشرة لاف عجل بعد الولادات !!!
Ps : نبيعو في الليترة ب 890 مليم و هوما استوردوه بالفين و ميات مليم و القوة انهم ما يحبوش يوصلونا لدينار سوم الليترة و لا يدعمو المواد الاولية للعلف اما يدعمو حليب بلجيكيا البلاد اللي تدعم في فلاحتها بالامارك اللي يهزو في الطحين و يشريو من عندهم حليبهم اللي بزعناه قبل في الكياس و وزير الفلاحة يتفرج
بش يجي نهار و نتحاسبو والله بش نتحاسبو !"
